الفطار

نشرت بواسطة admin في 03-Jan-2014 15:50 (836 عدد القراءات)

الفطار
1
واقف في الاشارة
عند الاذان
المرور واقف
وعايزين نمش ادام
عايزين نفطر
الناس ماسكة نفسها
الله اكبر
ادان بيدن
والناس كلها
فطرت
اهل المنطقة
اهل العطاء والمكرمة

2
ضحكةالميري في القطر
عمر عدي
وعمر جاي
رايح ع الخدمة
يادفعة
سيجارة يا اسطي
شغال تباع من يوم ليوم
والحال واقف والمصلحة مش واقفة
بس الحمدلله
الواد ابني اول الدفعة
عفر يا اسطي
ماشي يا ابني
خبرني عن الحدود
وعاملين ايه مع اليهود
واقفين حاميينا
زي الاسود
وهما اغلب غلبها
اه يا عبد الودود

3
الاتوبيس والعصاير دايرة
افطر افطر
علي النعمة ماحد دافع
ده الواجب علينا مش اكتر
كله يردد قبل الفطار
مع ادان ربه
الله اكبر

4
الجامع مليان مليان
والناس بتسبح
وتذكر
سبحان الرحمن
راجعين تاني لاهلنا
فين الشباب
ولا ربنا مش في فكرنا
الا بعد طولة العمر
تمر واشرب ميتك
وافطر واشكر ربنا
5
الملايكة صاعدة للعمل
كده الاسلام باركانه
كله اكتمل
شاكرة وصابرة وفرحانة
اشهدوا يا ملايكة
كل العباد اللي تحت سهرانة
ولي شكرانه
كلهم عفيت عنهم
و لما سمعوا العفو العام
طافت الملايكة بالعرش العظيم
تشكر ربها
العفو الكريم
أحمد مهران

تنقل بين الموضوعات
الموضوع السابقة قصائد لكمال عبد الحليم
تقييم 1.88/5
تقييم: 1.9/5 (72 تصويت)
التعليقات تخص صاحبها ولا تخص ادارة الموقع
الكاتب الموضوع